𝐑𝐀𝐋𝐓𝐋𝐀𝐍 𝐂𝐀𝐌𝐏-𝐀𝐇 𝐙𝐈𝐑𝐓𝐈𝐑𝐍𝐀 𝐍𝐄𝐈
Hnahthial Post | August 16, 2025, Thingsai: Nimin khan Thingsai khuaa raltlan awm te hnenah Awareness on Sexual and Gender-based Violence hmangin inzirtirna hun Raltlan Camp Pemvengah hman a ni.
He inzirtina hi Protection and humanitarian assistance for new arrivals from Myanmar in Northeast India and urban refugees in Karnataka (PHAMNEK-II) project hnuaiah neih niin Nl. S. Lalhunthari, Counsellor, Gardenia girls home (CPS) chuan zirtirna hi a nei a.
Project-in a tum ber chu Myanmar aṭanga Mizorama raltlan hmeichhia leh hruaitu deuhte hnena zirtirna pek niin a huamte chu Pathianin mipa leh hmeichhiaa min siam dan leh kan inanlohna hrang hrang karah indawh tawn leh inhrethiam tawn taka nunho te, hmeichhe chunga hleilenna awm thei hrang hrang, mihring hmanga sumdawnna kalpui chungchang, hmeichhiate: chhungkhua, khawtlang leh hnathawhna hmuna tihduhdahna, enhranna leh thinhrikna an tawh theih dan bakah mahni inngaihlua mi dang ngaihhlut pawimawhna leh puitlinna lamtluang zawh tura rilru hrisel put pawimawhna te a ni.
Khawchhung Saikuti veng lama Raltlan unaute awm te hian nimin vek khan Chhim lam thlanmual, Saikuti veng kawng ṭhenkhat an samfai bakah kawng chhe lai siamin hnatlang an thawk.
Tags
News