Hnahthial Post | August 26, 2025, Lunglei: Lunglei DC Pi Navneet Maan,IAS ruahmanna in zirlai naupang ten an zir leh zel nan a hmathlir thui tak an neih a , Civil Service lama luh duhna thinlung an put theih nan “Be a Deputy Commmissioner for a Day” tih programme chu naktuk nileng in Lunglei DC Office-ah hman a ni dawn a, Zirlai naupang thlanchhuah te DC angah tangin Deptt Head hrang hrang ten an hnathawh te report-in mipui te nen an in dawr bakah Press Conference te neih a ni ang.
Hemi chungchangah hian Lunglei DC chuan vawiin khan I&PRO hovin MJA OB, Edn Deptt aiawh leh Media lama thawk te a Office-ah a hun hman dan tur a hrilh. DC chuan he Programme hi Career Guidance hmalakna a ni tih sawiin zirlai te hian tum mumal tak an neih a, hmathlir zau zawk an neih a, rilru sang tak an neih nan a ruahman a nih thu leh Civil Service pawimawhna hria a, Civil service a luh ve chakna thinlung an neih nan te a ruahman a ni a ti. Zirlai naupang 6: Joseph R. Vanlalpeka Cl X(B) Govt H/S Lunglei, C. Lalngaihzuali Cl IX(C) Sacred Heart HSS, R. Lalhmingmuanpuia Cl X(A), Sacred Heart HSS, Judy C. Lalenkawli Cl XI(A) BHSS, K. Zomuanpuia Cl XII(Sc) BHSS leh Gracy Lalchhanchhuahi Cl XII(B) Govt HSS Lunglei te chu Civil Service tling tawh angah lem an chang dawn a, DC kaldan phung ang chiahin hun an hmang ang a, Deptt hrang hrang hnathawh dan te an en kual dawn a ni.He hunah hian Deptt Head te chu a tak tak a kal tur tih an niin a tak taka DC te nen hun an hman dan anga hun hmang tur a tih an ni.
Prog.hi Dar 9:00Am ah tanin DC in introduction te pe in an mawhphurhna te a hrilh ang a, Files te pek an ni ang. DC bakah Addl DC leh SDO(S) te kaihhruai na in hun an hmang dawn a, hun an hman dan tur hetiang hian ruahman a ni.
9:30-10:30AM: Office Tour & Meet the staff (He hunah hian planning, Establishment, ADHAAR Cell, DM&R leh Election Branch etc te an tlawh ang)
10:00-11:00AM: Mock Meeting: Zirlai te hi Group 2 ah inthenin DC mawhphurhna la in Deptt hrang hrang report te an lo dawng ang a, LMC, DRDO, Supply, Revenue, Transport, Education, etc ten report an pe ang a, Deptt tin hian 5 mins vel hun an hmang ang.
11:00-12:00PM: Public Grievance:
Zirlai tin te hian 10 Mins chhung DC angah tangin a dawrtu te an lo dawngsawng ang a, Sorkar Deptt hotu te hnenah tunlai thil thleng anga hmalak dan tur te an hrilh ang.
12:00-1:00PM: Press Conference an nei ang a, MJA te nen hun an hmang ang a, zawhna 6 pek an ni ang.
1:00-2:00PM: Lunch Break
2:00-3:00PM: Field Inspection: DCSO Office hmun a Car park na tur siam mek leh Damdawiinah health ATM an tlawh ang.
3:00-4:00PM: Hun an hman dan sawiin an rilru a khawih dan te ngaihthlak a ni ang
4:00-5:00PM: DC kaihhruaina in kharna hun hman a ni ang a, Certtificate sem a ni ang.
Tags
News