Hnahthial Post | August 7, 2025, Aizawl: Kawnpui to Sairang NH-06 thawm that hna thawh mekah a chhe nasa lai ber leh khawih harsa lai ber ni a ngaih Zoram Mega Food Park, Khamrang bul kawngpui chu vawiin hian siam a ni a, a chhe lai hi metre 100 vel niin vawiin chawhnu dar 2:00 thleng khan metre 80 chu boulder a hnawhkhah a ni tawh a, vawiin hian zawhfel vek hman beisei a ni. Excavator 2, Vibratory Roller 1 leh Grader 1 hmanga hna thawh a ni a, kawngpui sir tawn tawnah tuihawk luankawr (side drain) tha taka hai a ni bawk ang.
Kawngpui thawm that hna thawktu NHIDCL ten Kawnpui to Sairang road ah One Way a motor tlan tir an in huam tawh ang in, zanin dt.7.08.2025 6:00 PM atangin Essential Commodities phur bak ah 6 & 10 wheelers HMV chhuah an ni ang a, hun a la awm chuan 12 wheelers HMV chhuah an ni leh ang.
Thu hmuhna: https://dipr.mizoram.gov.in/post/kawnpui-to-sairang-road-chhe-zual-lai-thawm-that-hna-zo-dawn-hnai
Tags
News