Hnahthial District Fisheries Department chuan zirlai naupangte hnenah luidung humhalh pawimawhna zirtir

Hnahthial Post | August 6, 2025, Hnahthial: Vawiin khan Hnahthial District Fisheries Development Office (DFDO) bultumin BCM Lungleng, Sunday School Hall-ah Baptist English School (BES), Hnahthial zirlai naupangte tan “Luidung Humhalh pawimawh zia inhrilhhriatna (Awareness Campaign on River Conservation)” neih a ni a. He hun hi Pu George Lalnuntluanga, DFDO chuan hmanpuiin Pi F. Lalhmangaihzuali'n a lem nen zirtirna a pe a ni.

Pu Zothana'n he awareness programme hi kaihruaiin Pu George Lalnuntluanga, DFDO chuan Grassroot level atanga naupangten luidung humhalh nachang an hriat a, kan ram hmangaihna chang an hriat theihna tura inzirtir a pawimawh thu leh naupang te thinlung a kan tuh ngheh zual deuh deuh a pawimawhnate a sawi a. Naupangte pawh an lo ṭhan len hun thlengin ram hmangaihna chang hria a, kan luidung leh kan luia cheng nungcha te humhalh zual zel turin a fuih a ni.

Luidung humhalh pawimawhna, Powerpoint Presentation hmangin Pi F. Lalhmangaihzuali (DPM) chuan naupangte hnenah zirtirna a pe a. Hnahthial District chu Lui pawimawh tak tak awmna a nih thu te hrilhin zirlaite chu naupang te ni mah se a venhim leh humhalh kawngah tihtheih tamtak an neih thu a sawi a ni.

Pu H. Laldinliana, Principal chuan an hun hlu tak senga naupangte hnenah inzirtirna hun an lo hmang thei chu DFDO Hnahthial leh Staff-te chungah lawmthu a sawi a ni.