Hnahthial Post | September 6, 2025, Hnahthial: Zoram Peoples' Movement (ZPM) 29th South Tuipui A/C Block-I thuchhuahin a tarlan danin 132 KV Sub-Station Hnahthiala dah tur April 6, 2023-a Sorkar hmasain Administrative Approval nuai 4352.03 a pek chu pawisa awm lova AA pek a nih thu tarlangin pawisa awm lova AA Sorkar hmasain a pe chu an hrethiam lo hle a. "Election dawn hnai a nih avangin April 6, 2023 a AA tawh chu September 27, 2023 khan Expenditure Sanction 1.59 Crore SASCI atanga pek kan ni ta hram a ni" tiin Sokar kalphungah Sum a awm hmain Administrative Approval pek hmasak a ni ngai lo, an ti bawk. Nuai 4352.03 AA nisi, SASCI atanga 5 Crore pek tum a nih hnuah 3 Crore Allocated niin 1.59 Crore chiah Expenditure Sanction pek a ni a, cancel a nih zui phah kha, a pawi an ti hle a ni.
ZPM Sorkarin tih hlawhtlin ngei tumin Pu F Rodingliana, Minister hovin hma thar lak a ni a. Project ngaiah SASCI atanga Sum a hmuh nawn theih loh avangin Project siam that a ni a, Approval ngai zawng zawng ti fel vek tawhin Project Cost pawh Nuai 10000/-chuang a ni a, Ten Percent Gross Budgetary Support (GBS) For DoNER atangin Sanction dil mek a ni, tih an thuchhuah hian a tarlang.
Hnahthial District mipuite chu ZPM Sorkarin kawng a dap mek tih hi hre tlang turin leh Party anga in mawhchhiatna atan ringawt hman tum lova lungrual taka ke pen ho zel turin South Tuipui A/C Block-I chuan an sawm a ni.
PRESS RELEASE
PR No.11 (A) of 2025-26/ZPM S.Tuipui Block-I
Dated Hnahthial 5th September, 2025
1. April 6, 2023 a 132 KV Sub Station atan Sorkar hmasain Administrative Approval Nuai 4352.03 (No.B.13016/4/203-PLG(RDB)/SASCI) a pek hi Pawisa awm miah lova pek a lo ni a, hei hi hriathiam har kan tiin Pawisa dah tum miah lohna a awm tih kan hriat phei chuan a mak kan ti hle. Election dawn hnai a nih avangin April 6, 2023 a AA tawh chu September 27, 2023 khan Expenditure Sanction 1.59 Crore SASCI atanga pek kan ni ta hram a ni. Sokar kalphungah Sum a awm hma in Administrative Approval pek hmasak a ni ngai lova, NGO hrang hrang te leh khawtlang in nasa taka kan nawrna avanga Election dawn hnaiah mipui min bum mai hi a pawi kan ti hle a mipuiin thudik hriat hi kan chanvo a nih angin hreawm ti tak chungin kan han puan zar a ni. Nuai 4352.03 AA nisi khan SASCI atangin 5 Crore pek tum a nih hnuah 3 Crore Allocated niin 1.59 Crore chiah Expenditure Sanction pek a ni a, cancel a nih zui phah a, a pawi kan ti hle.
2. ZPM Sorkarin tih hlawhtlin ngei tumin Pu F Rodingliana Minister hovin hma thar lak a ni a. Project ngaiah SASCI atanga Sum a hmuh nawn theih loh avangin Project siam that niin Approval ngai zawng zawng ti fel vek tawhin Project Cost pawh Nuai 10000/-chuang a ni a, Ten Percent Gross Budgetary Support (GBS) For DoNER atangin hei hi Sanction dil mek a ni.
3. Sorkar hmasa in Administrative Approval a pek tawh hi sum awm sa emaw ti a sawi kan awm thin leh sanction zawm mai theih anga sawi a ni fo thin hi mipuiin thu dik hria se kan duh a. Kan Sorkar in kawng a dap mek pawh hi hre tlang ila Party anga in mawhchhiatna atan ringawt hman tum lova lungrual taka ke pen ho zel turin Hnahthial District mipui zawng zawngte Party chuan kan sawm a. Sorkar hmasa tihdan anga thiam taka mipui bum hi ZPM sorkar chuan a duh ve dawn lova harsatna awm thei zawng zawng mipuite hriatah puanzar zel kan tum tlat a ni.
Tags
News