Hnahthial Post | September 7, 2025, Thingsai: Thingsai leh a chhehvel Fanai tlangdung khua te chuan kumtin a an lo hman á¹hin Thlai thar kût chu nimin (6 September, 2025) khan kohhran hrang hrang ten an hmang.
Nimin thlai thar kût hi hriat theih chinah Thingsai, Cherhlun, Bualpui H, Muallianpui, Ngharchhip, New Ngharchhip khua ten Biak In ah inkhawm in hun an hmang a. Kohhran á¹henkhat ten ruai nen hun an hmang, Pathian faka zaikhawmna hun hmangin tlai lamah Kût puala ruai kilo hona an nei.
Ni 03.08.1947 khân Thlai thar hlan neih ni se tih rêl niin, thlai thar läwm inkhawm ni 16.08.1947 ah neih niin ni 08.09.1956 aá¹angin Thlai thar Kût hman á¹an a ni.
Fanai tlangdungah (Thingsai khua leh a chhehvel) hian hman lai hun aá¹angin Thlai thar Kût hi September thla Inrinni hmasa bêrah an hmang á¹hîn a. Bualpui H hi Thlai thar kût hmang hmasa bêr khúa nia hriat a ni.
An hman chhan, a lo chhuahna bul chu - September hi kan hriat angin Mìmkut thla a ni a, zu nên sa nena hun hmang á¹hîn an ni a, ringtu hmasate kha khawvel lamah an kir leh fo mai a, chu an Kût do lêt nân chuan an thlai tharte mitthi puala chhiah lo vin Pathian tána pek ve duhna a lo awm a, kut sate zawngin chutiang chuan an lo hmang á¹an niin a lang.
Thingtlanga chengte chu tlângram lo neia eizawng deuh vek an ni a. An thawhrim rah an sengkhawm theih ang angte pawh hi September chho hian lakkhawm tur a vul vanglai tâk a ni á¹hîn a, a hun thuah pawh thlai thar kut hi a inhmeh em em a. Tun thlengin kohhran pawl bîk awm lo vin mahni lawina kohhran á¹heuhvah Thlai thar kut hi hlim leh hlung takin kum tin hman á¹hin a ni.
Fanai tlangdunga chengte hian thlai thar kut hi an la urhsun thei hle a, a hma aá¹anga inbuatsaihin kut chawhmeh zawng te'n an ramchhuak a, kut tukah chuan ni dang aia chawhmeh pawh á¹ha khat turin an inbuatsaih a, an lo/huan lama thlai tharte hemi ni hian Biak In-ah keng khawmin an lilam a, chu chu Pathian ram rawngbawlna sum pawimawh tak atan an hmang á¹hin.
A chang chuan ruai te buatsaihin Inkhawm leh Pathian hming faka zaikhawm te'n hun an hmang á¹hin. He hun an hman aá¹anga Kohhran/khawtlangah thlarau thianghlim pawl tharna/harhna te lo thlengin; hun rei tak tak (thlà khat dâwn) Pathian hming faka zaikhawma hun an hman kum a awm fo á¹hîn.
Tags
News