Hnahthial Post | September 23, 2025, Aizawl: Vawiin khan Labour, Employment, Skill Development & Entrepreneurship Department leh International Labour Organization (ILO) tangkawp ten an buatsaih, Mizote tana eizawnna leh thiamna lama hmasawnna tur chungchang sawi hona, "Rountable on Employment, Skills & Social Protection" chu ATI Auditorium, MINECO, Aizawl-ah neih a ni a, LESDE Minister Pu Lalnghinglova Hmar chuan he hun hi hmanpuiin Dr. Lalhriatzuali Ralte, LESDE Secretary chuan kalkhawmte lawmna thu a sawi a, Pi Lalramdini, Under Secretary, Mizoram Youth Commission chuan inkhawm hi a kaihruai a ni.
Minister Pu Lalnghinglova Hmar chuan thu sawiin, khawvela pawl pawimawh berte zinga mi, lehkhabu leh zirlaibuahte chauha kan lo hmuh thin, International Labour Organization-te nena Mizoram hmasawnna ngaihtuaha, thawk ho thei tur leh thu sawi ho theihna hun lo thleng chu lawmawm a tih thu a sawi a. Mizorama eizawnna kawnga harsatna hrang hrangte, sawrkar hna indaihlohna avanga mi thiam tak tak ten hna ngelnghet lo, informal sector-a an thawh nasat thu te, ram danga eizawnna zawnga an vah chhuah nasat thu leh chung mite tana innghahna tlak hna, him leh kumhlun tur ngaihtuah a pawimawh thu sawiin, ILO te nena thawh hona hian rah duhawm tak a chhuah zel a beisei thu a sawi a; he hun chhima kal thalaite leh zirlaite pawh an ngaihtuahna leh rilru zawng zawng senga hlawk taka hun hmang theuh turin a chah bawk a ni.
Satoshi Sasaki, Deputy Director, International Labour Organization pawhin thu sawiin ILO hnathawh tlangpuite a tarlang a; thiamna, hmasawnna leh eizawnna kawngahte Mizo thalai ten theihna nasa tak an neih ngei a rin thu sawiin ILO chu Mizorama mi rethei leh mi te berte thlengphak hmasawnna thlen tura, an thiamna leh theihnate hlanchhawng tura a inhawn reng tur thu a sawi bawk a ni.
Roundtable Discussion hun hmang tur hian International Labour Organization atang-in Mr. Satoshi Sasaki, Deputy Director; Ms. Mariko Ouchi, Senior Specialist, Social Security; Mr. Radhicka Kapoor, Senior Specialist, Employment; Ms. Catherine Laws, Specialist, Labour Migration; Mr. Gabriel Bordado, Specialist, Skills & Employability; Ms. Radhika Sunger National Project Coordinator te an lokal a. Discussion hi Session 3-ah hetiang hian then a ni:
Session - 1: 'Understanding the employment landscape in Mizoram'.
Panellists:
1. Dr. Malsawmdawngliana Lailung, MYC
2. Prof. James LT Thanga, Department of Economics, MZU
3. C. Remtluanga, President, NTUM
4. Lalrammuana, Executive Committee, Member MIMA
5. Ruth Chuauthangpuii, Programme Manager, MSUM, P&PID
6. Zothankhuma Khiangte, Deputy Director, LESDE
7. Ms. Catherine Laws, ILO
Session 2: 'Issues Relating to Skill Development & Entrepreneurship with a focus on Mizoram'.
Panellists:
1. Pu Michael Lalthanmawia, Treasurer, Chamber of Industries
2. Prof. Laldinliana, Commerce Department, Mizoram University
3. Pu Rinzuala, CEO, MSUM, P&PID
4. Dr. Morrel VL Nunsanga, Associate Professor, Dept. of IT, Mizoram University
5. Pu Lalmuanawma, Deputy Director, LESDE Department
6. Ms Catherine Laws, Specialist, Labour Migration, ILO DWT/CO, New Delhi
Session 3: 'Social protection Landscape in the State.'
Panellists:
1. Pu LT Sanga, General Secretary, FOMTU
2. Ms. Bokali Kasho, Central, I/c Domestic Workers Project, Ferrando Integrated Women Development Centre
3. Pi Caroline Hmingthanzuali, Joint Director, Social Welfare Department
4. Pi C. Zodinpuii, Chairperson, Mizoram State Commission for Women.
5. Pu Lalmuanpuia Fanai, Deputy Director, LESDE Department.
Vawiin hun hmannaah hian College zirlai te, entrepreneurs-te bakah sawrkar mi pawimawh mi thahnem tak an tel a a ni.
Tags
News