Lunglei DIET zirtirtute'n Hnahthial Primary leh Middle School zirtirtute tan workshop buatsaih

Hnahthial Post | September 10, 2025, Hnahthial: District Institute of Education and Training (DIET), Lunglei chuan September ni 10 leh ni 11, 2025 chhunga neih tur, Hnahthial District Primary School leh Middle School zirtirtute tana Lesson Plan Workshop -"Onsite Workshop on Constructivist Lesson Plan for MS & PS Teacher" chu buatsaihin a ni khatna hi vawiin khan Horeb Conference Hall-ah neih a ni a. Hnahthial SDEO, Pu S.Lathanzuala chuan Workshop hi fuihna thuchah nen hawngin zirtirtuten nal taka Lesson Plan an thiam theih nan DIET, Lunglei a thawktuten an zirtir tur thu a sawi a ni.

Pu S.Lalthanzuala chuan zirtirtu kalkhawmte hnenah fuihna thuchah sawiin workshop neih chhunga an thil zirte chu mahni School theuhvah tangkai taka hmang chhunzawm ngei turin a chah a. Kan rama ruihhlo lo hluar zel do turin zirtirtute an pawimawh thu leh mahni zirlai naupang theuh te ruihhlo laka an fihlim theih nan theihtawp chhuaha awareness nei turin zirtirtute chu a chah bawk.

DIET, Lunglei ten Hnahthial hmun ngeiah hetiang Workshop pawimawh tak an rawn nei thei hi lawmawm a tih thu sawiin zirtirtuten an hlawkpui ngei theih nan duhsakna a hlan nghal a ni.