Hnahthial Post | September 11, 2025, Aizawl: Nimin (10 September, 2025) khan LESDE Minister Pu Lalnghinglova Hmar chuan Govt KM Higher Secondary School-ah “Meet your MLA” program hmangin school 13 hnenah school mamawh green board, white board leh water cooler semna hun a hmang.
Minister chuan “Meet your MLA” program lo chhuah dan sawiin zirtirtute leh zirlaite tihphur nan te, zirtirtute hnen a mahni in rintawkna tuh(confidence) siam nan leh school chawikan leh hmasawnna atan a nih thu a sawi. Zirlaite chu taima tak a zir tur leh an zirlai dah hmasa ber turin Minister chuan a fuih a, zirlai rilru chak lo tan pawn taimakna nen chuan tlai luat a awm loh thu sawiin theih tawpa zir turin a chah a ni.
He hunah hian “Zirtirtu hlutna leh mawhphurna” thupui hmangin Minister, zirtirtu leh zirlai te nen panel discussion neih niin zawhna leh chhanna hun hman a ni bawk.
Tags
News