Hnahthial Post | September 15, 2025, Hnahthial: 29th South Tuipui A/C Bialtu MLA Pu Jeje Lalpekhlua chuan, MLA Fund cheng nuai hnih seng a lei, Pool Table pakhat chu Hnahthial District Snooker & Billiards Association hnenah hlan.
Hnahthial District Snooker & Billiards Association hian nikum 2024 lam khan Bialtu MLA hnenah Pool Table dil ṭhinin, Bialtu MLA hian hun remchang hmasa berah lei a tiam thu a sawi a. Kar hmasa, ni 12th September, 2025 (Zirtawpni) khan Bialtu MLA hian Pool Table hi HDSBA hruaitute kutah a hlan ta a ni.
HDSBA hian Electric Veng, BRTF Canteen bulah In luah lailawkin, hetah hian Pool Table hi an dah a. HBSA hruaitute aṭanga thu dawn danin, Electric Power Control-room hlui chu chei bawl ṭhat a, Pool Table dah nana ruahman an tum thu an sawi a ni.
HDSBA-ah hian member ni duh tan Membership fee ₹50, kum khat atana pein, Member a nih theih bawk a ni.
Tags
News