Hnahthial District Women Football Association ten Trial nei mek

Hnahthial Post | September 14, 2025, Thingsai: Thingsaiah Hnahthial District Women Football Association (HDWFA) ten trial an nei mek.

Kan hma lawk a Inter District Women Football Tournament, Kolasib a neih tur a tan a inbuatsaih nan Hnahthial District Football Association(HDFA) te bul tum in, Hnahthial Town huamchhung leh Hnahthial District Football Association hnuai a Zone hrang hrang ah hmeichhia Football a in fiam mi te Trial neihpui kal mek niin Thingsai pawh nimin ni 13 September 2025 atang khan F.Hranghlira memorial football ground Thingsai ah nei tan a ni a. He hun ah hian Hnahthial aṭangin Pu C.Ramdinsanga Joint Secretary HDFA, Lalsiamtluanga Asst Secretary HDWFA, Esther Laltleipuii HDWFA Treasure bakah Coach pahnih Alex Lalchhuankima leh K.Zonunsanga ten hun an hmanpui a ni.