Hnahthial Post | September 14, 2025, Thingsai: Nimin (13 September, 2025) zing khan Thingsai khua a kum 60 chin chunglam te tana an mamawh chi hrang hrang pek/semchhuahna leh Silpaulin semna neih a ni.
He thilpek hlanna hi Pu K Lalsiammawia VCP Thingsai chuan neiin mi sawmli pahnih(42) te tan a sem chhuak a.Heng kum upa te mamawh chi hrang hrang te hi Social welfare department hnuai aṭanga Thingsai VC ten an dil sak niin tukin ah hian wheelchair chi hrang bakah Tiang, Bengdar,LS Belt, Knee Brace leh cushion te sem a ni.Village Council Thingsai chuan an thil dilte an tih hlawhtlinsakna ah Social welfare Deptt Lunglei chungah lawmthu an sawi a ni.
Nimin vek khan VC ten tunhnai ruah sur nasa avanga leimin te a hmun a enfiahna leh In leh lo min mai hlauhawm te hnenah Silpaulin an pe bawk a. Tun hnai ruah sur nasa avang hian Thingsai khawchhung ah leimin hi a awm nual a, inkalpawhna kawng bakah Ran vulhna in leh chenna in tana hlauhawm a awm nual a ni.
Tags
News