Hnahthial Post | September 13, 2025, Thingsai: Ni 11 September , 2025 ruah sur nasa avangin Hnahthial to Thingsai kawng leh Thingsai to Bualpui 'H' PMGSY BRTF enkawl chu lirthei tlan theih lohvin a ping.
Ruah sur vanga Hnahthial to Thingsai kawng hmun thum(3) ah a ping a Public Work Department Hnahthial division ten JCB hmangin a thenfai hna hi an thawk a. Nizan khan Thingsai to Bualpui 'H' inkar kawng chu lirthei engchi mah tlan theilohin a ping bawk a,Thingsai khawchhung thlak lam PMGSY kawng Border Roads Task Force (BRTF)enkawl mek pawh lirthei engchi mah tlan tlang theih lohvin a ping bawk. Vawin khan BRTF ten JCB hmangin kawng hi an thian nghal a, Bualpui 'H' lam a kal tur lirthei a dang a tukin zing khan BRTF ten an thianfai nghal a, Thingsai khawchhung a leimin pawh vawin vek khan a thenfai hna hi BRTF te hian an thawk nghal. Heng bakah hian khawchhung in kalpawhna min awm bawkin VC te hmalakna in a thenfai hna hi thawh a ni bawk. Kawng pin avang hian zin veivak lirthei engemawzat an tangkhang a ni.
Ruahsur nasa avanga hian Pu H Lalrinzauva In Thingsai Pemveng ami chu min mai hlauhawm a a awm avangin an In zat ve chu an ṭhiat bawk a ni.
