Hnahthial Post | September 29, 2025, New Ngharchhip: Ni 27th September, 2025 Inrinni khan New Ngharchhip Branch YMA te chuan damlohna avanga Buhseng theilo Pu Padawta te buh an seng sak.
Inrinni khan Young Mizo Association (YMA) New Ngharchhip Branch te chuan chhungkaw nu ber damlohna avanga buhseng theilo Pu Padawta te buhseng sak hnatlang hi an nei a,YMA member mi sawmnga pali(54) thawk chhuakin buh hi an seng zawh sak vek a ni. Pu Padawta kumin hian lo tin hnih (2) hmun vel neiin buhseng hun ah chhungkaw nu ber damlohna avanga engmah ti thei lova a awm avangin buh hi an seng theilo a, an chhungkua hi member pasarih (7) niin an fa upa ber hian hmundangah pasal anei tawh a. A nau chiah mipa hi hmundangah a awm bawk a,New Ngharchhip Branch YMA ten an chhungkaw dinhmun hriain Inrinni khan an buh hi an seng sakin tin sawmsarih (70) vel zet an seng sak a ni. Khua in a zir loh avangin ruah sur nasa a buhseng hi tlai dar 4:30 ah an zo thei chauh a ni.
Tags
News