Hnahthial Post | September 23, 2025: Nimin khan PHE Minister Prof. Lalnilawma chuan Ministry of Housing & Urban Affairs Minister Manohar Lal Khattar chu a chenna In-ah hmuin a kawm a, Mizoram mamawh hrang hrangte a thlen.
He an inkawmnaah hian Prof. Lalnilawma chuan Aizawl leh District Headquarters hrang hranga mipui ten tui in tur hnianghnar zawk an neih theih dan tur project chungchangte sawipuiin, Mizoram sorkar leh Chief Minister Pu Lalduhoma ngei pawhin mimal tak pawha a ngaih pawimawh em em, Mizoram khaw tina tui in tur hnianghnar zawk a awm theih nana hmalak dan tur chungchangte an sawi dun a. Union Minister chuan tui supply chungchanga intodelhna project-te tih puitlin a nih thuai theih nan, sawi hona la neih leh ni se tiin kawng dap chhunzawma, hmalak zel an inhuam thu a sawi a ni.
Inkawmnaah hian Pi D Thara IAS, Additional Secretary, MoHUA leh Pu Jonathan Lalremruata, OSD to CM, Mizoram te an tel a ni.
Tags
News