Hnahthial Post | September 24, 2025: Nimin khan PHE Minister Prof. Lalnilawman Union Minister, Ministry of Jal Shakti CR Paatil a chenna inah a kawm.
Prof. Nitea hian Jal Jeevan Mission (JJM) hnuaiah Mizorama khua zawng zawng deuh thaw cover anih vangin lawmthu a sawi a. Chutih rualin JJM hnuaia hnathawh zawh tawh bill tang rei lutuk chungchang sawiin release sak thuai turin a ngen a. Minister chuan JJM chungchangah Ministry levelah chinfel ngai a awm a, theihtawp chhuahin an bawhzui thu leh a fel veleh pawisa an rawn pek tur thu a lo hrilh.
Prof.Nitea chuan Mizoram chu tlangram, ruahtui tamna a nih avangin a remchanna apiangah ruahtui khawlna siam a, tuihna siam thei tur kawr leh tlang kar khuahna siam a pawimawh em em tih sawiin chutianga hmalakna tur project PHE Department-in a thehluh tawh pawh pe ngei turin a ngen nghal bawk.
Minister hian DPR thehluh tawh chu lo zirchianga a tih theih dan tur ngaihtuah turin official-te a hrilh tawh thu leh a lo bawgzuipui zel tur thu a sawi.
Inkawmnaah hian Dr. Karan Chaudhary, IRS PS to Minister, Ministry of Jal Shakti leh Pu Jonathan Lalremruata, OSD to CM ten an ṭawiawm.
Tags
News