Hnahthial Post | September 1, 2025, Thingsai: Thingsai leh a chhehvel khaw hrang hranga tlângram lo neitute chuan hnuhthual an thlo zo chho ṭan mêk.
Kum khatah lo hi vawi 4 vêl an thlo chhuak ṭhin a, a awl ṭum chuan vawi 5 te pawh an thlo ṭhin. Lawm nei ten lawm te nen lo hi zoin ṭhenkat chuan chhungkat leh ṭhenrual ṭha te sawmin lo zawhna hun hi an nei a, lo zawh ni hian tun hma aṭanga tih ṭhin dan angin Ar te talhin hlim takin lo zawhni hi an hmang ṭhin.
A tlângpui thuin buh leh hmarcha, sawhthing an chin pawlh a. Thar rang buh hi Mimkut thlaah an seng a, buh seng zawh hnu hian thil dang an chin chu uluk takin an enkawl chhunzawm leh ṭhin a ni. Hei hian kum khat chhunga thar chhuah a tipung a, a remchang em em a ni.
Ni 29 August 2025 Zirtawpni khan South Chawngtui khua ah Pu Lalpekmawia Project Director DRDA Hnahthial leh a Staff ten South Chawngtui WATSAN Committee te nen. lo zawhna hun an hmang bawk.
Tags
News