Judicial Officers, Government Advocates & Public Prosecutors te tan “Training Programme on Handling Matters Related To Persons With Disabilities” buatsaih a ni.

Hnahthial Post | October 6, 2025, Aizawl: Vawiin khan Law & Judicial Department bultumin Judicial Officers, Government Advocates & Public Prosecutors te tan Conference Hall, Gauhati High Court, Aizawl Bench, MINECO-ah “Training Programme on Handling Matters Related To Persons With Disabilities” buatsaih a ni a. He Training hawnna inkhawm tawi hi Pu T.L. Guite, Secretary, Law & Judicial Department chuan kaihhruaiin, Hon'ble Mr. Justice Michael Zothankhuma, Judge, Gauhati High Court leh Pi Vanlaldiki Sailo, State Commissioner for PwD te chuan khuallian leh khualzahawm niin programme an hmanpui.

Training hawnna inkhawmah thu sawiin khuallian Hon'ble Mr. Justice Michael Zothankhuma chuan ‘The Rights of Persons with Disability Act, 2016’ hnuaia PwD ten “Rights” an nei te humhalh sakna kawnga Judicial officer te, Advocate te leh Public Prosecutor te an pawimawh thu sawiin, Dân tlawhchhan chung si a, hmangaihna leh hriatthiamna rilru nei a tul thu a sawi. Pu Michael chuan PwD ten ‘rigths’ an nei te hmankhawhloh theihna kawngah erawh fimkhur a ngai thu sawiin, chutiang kawnga PwD te “Rigths” dik lo taka hmansualna lo awm tawh te leh PwD chungchanga Delhi High Court leh Supreme Court decision te pawh tarlangin, training hlawk thlak tak nei turin duhsakna a hlan.

Khualzahawm Pi Vanlaldiki Sailo, State Commissioner for PwD pawhin thu sawina hun hmangin PwD ten an dikna chanvo an chan theih nan leh an chanvo humhalh sak a nih theih nana an hmalakna kawng hrang hrangah Judicial Officers, Government Advocates & Public Prosecutors te tanpuina an dawng thin chu lawmawm a ti thu sawiin, hmalam hunah pawh PwD te ‘Rights’ humhalhna kawngah tanpui zel turin kalkhawm te a ngen bawk.

Pi Melody Lalrochampuii Pachuau, Joint Secretary, Law & Judicial dept. chuan vote of thanks sawiin vawiin inaugural progamme hi a khar ta a ni.

Inaugural programme hman zawhah hian Pi Annette Lalrinsangi, Deputy Secretary, law & Judicial Dept. moderator-na hnuaiah Technical session neih chhunzawm a ni a. Hetah hian resource person Dr. Robert Khawlhring, Deputy Director (Planning) -cum- State Nodal Officer for PWDs(Health), Directorate Health & Medical Education chuan ‘Overview of the Rights of Persons with Disabilities Act, 2016 and its Provisions’ tih thupui hmangin zirtirna a pe a. Pu Lalbuatsaiha, Assistant Professor, Department of Political Science,Government J. Thankima College, Aizawl chuan ‘Legal Obligations and Legal Obligations and Protections for PWDs under National and International Framework’ tih thupuia hmangin zirtirna a pe bawk.

Pu Mr Nasim Akhtar, Special Judge, ND&PS;Faculty, Judicial Academy, Assam chuan thupui thlan pathum:

I. Sensitization on Accessibility, Reasonable Accommodations, and Non-discriminatoryPractices in Judicial Proceedings

II. Handling Cases involving PwDs, including Effective Communication and Procedural Safeguards

III. Best Practices for ensuring Inclusive and Empathetic Adjudication hmangin zirtirna hun a hmang bawk.

Resource person ten zirtirna an hman zawh hnuah hian ‘Discussion & Interaction’ hunin vawiin programme training hi hmawrbawk a ni.