Hnahthial Post | October 6, 2025, Aizawl: Vawiin khan Health and Family Welfare Department, Govt. of Mizoram, Indian Society of Prosthodontics Restorative Periodontics (ISPRP) leh Mission Foundation Movement te tangkawpin an buatsaih, ni 2 chhung awh tur, a thlawna ha entir theihna hun, Free Dental Camp chu Civil Hospital, Aizawl-ah kalpui tan a ni a. Health & Family Welfare Minister Pi Lalrinpuii chuan he hun hawnna hi hmanpuiin, Dubai atangin Professor Dr. Lovely Muthiah Annamma leh Professor dang 3 te bakah Asan Dental College, Chennai atangin Internship tilai mi 3 an tel bawk a ni.
Minister Pi Lalrinpuii’n chuan ram pawn atanga an hun hlu tak senga Doctor thiam tak tak an lokal chu lawmawm a tih thu a sawi a, Mizo mipuite’n he hun hi lo hlawkpui ngei se a duh thu sawiin, a tam thei ang ber inentir turin a sawm nghal a; Mizote’n zuk leh huam kan tih nasast thu sawiin hei hian hlawkna eng mah min pek loh mai bakah natna serious tak tak, Cancer leh a dangte kan vei nasat phah hle zawk a ni tiin zuk leh hmuam leh kuhva laka inthiarfihlim a pawimawhzia a sawi bawk. Mipuite chu he free dental clinic-ah hian inentir mai nilova, ka leh a vel vawn fai chungchangahte, zirlai tha tak tak zir chhuah tum theuh turin a chah bawk a ni.
Free clinic hi ni hnih chhung awh tur niin Thawhtan leh thawhlehni chhung hian a duh apiang tan a thlawnin Civil Hospital, Aizawl-ah OPD Card lain a inentir theih dawn a ni.
Tags
News