National Wildlife Week 2025 pualin hun hmang

Hnahthial Post | October 4, 2025, Thingsai: Hnahthial District Level Wildlife Crime Control Sub-Unit bul tumin, “National Wildlife Week 2025” hman mek a ni.

National Wildlife Week 2025 pual hian Thingsai Forest Range leh Cherhlun Forest Range huamchhungah hun hman niin vawin khan Cherhlun Range huamchhung khaw pahnih Ngharchhip leh New Ngharchhip ah hian TKP te nen hun hman niin mihringte leh nungchate nena chen ho dan thiam a pawimawh leh tulna Pu T Lalhmangaihzuala RO Cherhlun in a sawi a. Thingsai leh Cherhlun EF&CC department huamchhung a khaw hrang hrang ah hun hi hman niin nimin khan Thingsai ah pawh hun hman a ni a, RO Pu H.Lalengmawia leh a Staff te bakah Thingsai Police Station a thawktu te,H&FW Department, Village Council,North Branch YMA Thingsai, Thingsai Branch YMA leh Joint MHIP Thingsai te nen Joint Petroling an nei a. Ni 2 October,2025 vek khan Thingsai Forest Range huamchhung Bualpui H Community Hall ah khawtlang hruaitute leh mipui te nen Awareness campaign hun hi an hman tawh bawk.He Joint Petroling hi District Level Wildlife Crime Control Sub-Unit, Hnahthial District in a lo rel tawh ang in Thingsai leh Cherhlun Forest Range te tangkawp ten an buatsiah a ni.

Kumin National Wildlife Week hi Ni 2nd - 8th October,2025 chhunga hman tur niin Thupui atan Human-Animal Co-Existence (Mihringte leh Nungchate chenhona) tih hman niin Thingsai Forest Range leh Cherhlun Forest Range huamchhung Thingsai, Bualpui H, Cherhlun, Ngharchhip leh New Ngharchhip huamchhung ah te Joint Petroling hi neih a ni.