Mizoram hunpui, Krismas vuakvet a hman tur Kawlphetha Tripura-in Mizoram pe dawn

Hnahthial Post | October 6, 2025, Aizawl: State pahnih te hian an in thianthatna chhawm nung zel in, Mizoram in hunpui Krismas a hmachhawn tur ah Tripura chuan kawlphetha megawatts (MW) 40 bawr chu hunpui atan Mizoram mamawh phuhruk nan a pe dawn tih Tripura thuneitute chuan an sawi.

He power supply Tripura atanga rawn kal tur hi State Pahnih te’n an lo kalpui fo tawh thin a ni a, Tripura in Durga Puja an hman lai leh Mizoram in Krismas a hman lai hi eng thei lam chi chhit tam lai a nih avangin kawlphetha mamawhna a sang zual thin hle a, hunpui laia mipui tana an rawngbawlna ah an in lâwm tawn țhin a ni.

Mizoram P&E hotute chuan Tripura lamin Puja an hman laia power a an puihna hi sum leh paia in pe lova Mizoram in hun pui a bikin December lai a kawlphetha a mamawhna a san zual laia Tripura atanga lak ve mai hi a awlsam bakah, state pahnih te in țhianthatna siam tu pawimawh tak a nih thu an sawi.

Tripura State Electricity Corporation Ltd , Managing Director Pu Biswajit Bose chuan Tripura in Mizoram power pek tur thu hi sawiin December leh January chhung a ni dawn tih a tarlang a, State pahnih te hian an in rin tawnna leh thian thatna chhawm nung in, hun pui ah an mamawh apiang in an in pui tawn thin tih a sawi bawk.