Hnahthial Post | October 7, 2025, Serchhip: Vawiin khan Er.Lalthanzuala Ralte, Secretary, Mizoram State Project Monitoring Committee (MSPMC) hovin MSPMC member leh task force member ten Serchhip District Jail, Serchhip Damdawi In leh Kawlri-a Mizo Cultural Heritage Centre te an tlawh.
Mizoram State Programme Monitoring Committee chuan Mizo Cultural Heritage Centre, Kawlri, Serchhipa hmalak mek an endik a. “Construction of 100 bedded District Hospital at Serchhip” project kal lai mek leh Serchhip District Jail sak that mek te an tlawh bawk a. A hmunah kalin contractor te nen enfiahin, hmasawnna turte inhrilhhriat a ni.
Heng hmunhmate chipchiar taka an fan hnuin Serchhip DC Meeting Hall ah Post visit Discussion neih nghal a ni a. He meeting hi DC Pu Paul L Khuma’n a kaihruai a. Er Lalthanzuala Ralte chuan report kimchang pein, hna kal lai mek an thawk sawt em tih leh an thawk tha tawk em tih te sawiho a ni a. Hmasawn ngaihna laite tarlangin, khawtlang mipuite tan theihtawp chhuah turin an inhrilh a ni.
Vawiina MSPMC team zingah hian Arch. George Lalzuia, Er. R Romawia, Prof Chawngsailova, Er C Lalchhuanawma, MSPMC Task Force member Pi Vanchhungi, PS to Vice Chairman Pu Vanunmawia, PA to Vice Chairman Er Remlalmuanpuia, leh Pu Lalbiaknunga, Technician Quality Controll Division bakah mi pawimawh dangte an tel.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News