Hnahthial Post | October 8, 2025, Delhi: Vawiin khan Pu Malsawmzuala Ralte, Chairman, Mizoram Youth Commission (MYC) leh Pu Jonathan Lalremruata, OSD to CM-te chuan Pu Takashi Ariyoshi, Minister & Deputy Chief of Mission, Embassy of Japan chu a office-ah an kawm.
MYC Chairman Pu Malsawmzuala chuan Mizo thalai eng emaw zat Japan-a hnathawk mek an awm thu leh thawk tura inbuatsaih a, Japan tawng zir mek thahnem tak an awm thu sawiin, heng Mizo thalaite hi Japan tawng an zir zawhah exam turin Delhi-ah an kal thin a, an pass hnuah visa dil turin Delhi-ah bawk an kal leh a ngai thin chu a hnai zawk, Kolkata-a Japan Consulate Office-a tawng exam leh visa dil theih tura ruahmanna siam turin a ngen a.
Hei bakah hian, Mizo thalai Japan tawng exam pass tawh, Japan-a hnathawhna tura lehkha nei tawh, visa dilna tihkhawtlai avanga harsatna tawk an awm thin thu sawiin, amah pawhin a rang lama tihfelsak tura ngenna lehkha a ziahsak thin thu a sawi. Tin, Japan tawng zir zo tawhte tana Aizawla exam theih tura ruahmanna siam turin an ngen bawk a. An ngenna hi Pu Ariyoshi chuan an lo enzui ngei dawn thu a sawi a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News