MZP hruaitute'n Home Minister hnenah rawtna an thlen

Hnahthial Post | October 30, 2025, Aizawl: Vawiin October ni 30, 2025(Ningani) chawhnu dar 1:00 khan Home Minister, Pu K. Sapdanga chu a Pisaah hmuin, Mizoram sawrkar in Inner Line Permit(ILP) dan an siamthat mekah rawtna an thlen a ni.

MZP chuan, Inner Line Permit (ILP) dan siamthat turah Home Minister ah rawnta a thlen a, thu hlawm paruk - administrative efficiency, traveller access, digitalization, enforcement, penalty, leh sponsor mawhphurhna bakah Centralised online ILP portal siam a ngaih thu tarlan a ni a, Aizawl–Sairang rel link tharah entry point lian counter tam zawk, staff training tha zawk leh diltute tan online helpdesk siam a ngaih thu an thlen bawk.

Online application hmanga system hi full digitalization, Aadhaar-linked verification, real-time tracking, leh permit dik leh dik loh enfiahna tur mobile apps hmanga siam bakah dan bawhchhiate mipui in an report theihna channel siam tura rawntna, ILP hmang diklo leh validity tawp tawh hnua cham hlen hremna tur bakah dan bawhchhia official-te pawn pawisa chawina hremna dan leh Sponsor tute pawh limit siam sak in, an mawhphurhna tur rawtna ah hian tarlan a ni.

Home Minister chuan, ILP dan an siamthatna tura rawtna hrang hrang MZP hruaitute'n a an thlen chu tha a ti hle a, an rawtna chu ngaih pawimawh a nih tur thu a sawi a. MZP hruaitu tharte nen a inkawmhona hun tha tak an nei thei chu a lawmawm a tiin, tha taka thawhho puiah MZP hruaitute hi a sawm nghal a ni.