Rural Development & Administration Minister, Prof Lalnilawma'n District Panchayat Resource Centre, Hnahthial a hawng

Hnahthial Post | October 9, 2025, Hnahthial: Vawiin khan Minister of State for Rural Development & Administration Department, Prof. Lalnilawma chuan Hnahthial District tan District Panchayat Resource Centre (DPRC) building, Electric Veng, Rallangtlanga sak chu a hawng a. 29-South Tupui Bialtu MLA, Pu Jeje Lalpekhlua chuan tawiawmin District Bawrhsap, Pi K.Vanlalruati kaihhruaina hnuaiah hawnna programme hman nghal a ni.

Prof. Lalnilawma chuan District thar pathum zingah Hnahthial District chu DPRC building hawn hmasak berna niin bialtu MLA hmalakna zar a nih thu a sawi a. Tuna DPRC chu kum 2001 a SIRD duan a nih atanga hmalakna zinga pakhat a nih thu leh he building hi a bikin Village Council te tana duan a nih thu a sawi a. Building tam tak hi a nihna turah hman a nih loh thin thu tarlangin chu chu sawrkar mai ni lovin mipuite sum awmze nei lova luan ral tirna a ni a ti a. He building hi VC te tan a bika training center a nihna angin VC te pawh training a awm apiangin intuai tharna angah ngaiin kal zel turin a chah bawk.

VC te tan Sawrkar hmalakna thar hrang hrang kalpui dan training-na hmun tur a nihna angin trainees te chu a ngaithlatu ni ngawt lova, kan thil zirte khawtlang inrelbawlna tan, a taka hmang tangkai zel turin a chah bawk a ni. VC te chu a enkawltu tak tak turte an nih avangin building vawn that kawngah pawh hma lo la chhunzawm zel turin chah nghal a ni.

Bialtu MLA, Pu Jeje Lalpekhlua chuan building thar hawn chu hman tangkai thiam a tul thu sawiin chumi tur chuan VC leh khawtlang hruaitute ah a innghat nasa hle a ni a ti a. Mahni ringawt ni lo, khawtlang leh District hmangaihna thunlung nen hna thawhna engkimah theihtawp chhuah theuh turin kalkhawm, khawtlang hruaitute leh sawrkar hnathawkte chu a ngen a ni. Thawhhona tha nen Hnahthial hmasawn nan tan lakpui theuh turin he DRPC hawnna chhimtute chu a sawm nghal bawk a ni.

Techincal Report, Er. LT. Lalrinmawia, Executive Engineer, LAD hnen atanga ngaihthlak niin DPRC building technical report kimchang a hnuai ami ang hian tarlan a ni.

I. OFFICE BUILDING:

Name of work :Construction of DPRC Office Building at Hnahthial

Estimate amount : Rs 100 lakh

Issue of L.O.A.: Dt.26.09.2023

Contractor :Zothan Consultancy Services, Luangmual, Aizawl

Floor area : 286.87 sqm.

Office Building-ah hian Conference Room - 1, Office Room-4 leh Toilet- 6 te dah a ni.

II. HOSTEL BUILDING:

Name of work : Construction of DPRC Hostel Building at Hnahthial

Estimate amount :Rs 100 lakh

Issue of L.O.A. :Dt.26.09.2023

Contractor : Zothan Consultancy Services, Luangmual, Aizawl