Hnahthial Post | November 24, 2025, Aizawl: Vawiin Thawhtanni chawhma dar 10:00am khân Mizoram Pollution Control Board (MPCB) hnuaia Mizoram EIACP Hub buatsaihin Govt. Aizawl College, Sikulpuikâwn-ah Green Skill Development Programme (GSDP) training; Certificate Course in Waste Optimization Professional chu hawn a ni a, he training thla hnih awh chuang tur hi Pu Liankima Lailung, IFS Rtd., Chairman, Mizoram Pollution Control Board chuan a hawng.
He training course hi Ministry of Environment, Forests & Climate Change (MoEF&CC), Govt. of India hnuaia kalpui tur niin bawlhhlawh hrang hrang sâwngbâwl dân tur leh tihtlêmna kawnga hmalâk dân tur chipchiar takin mi thiam rualin an zirtir dâwn a ni. He training-a tel tur hian Graduate mi 20 thlan chhuah an ni a, training hi March ni 5, 2026-a zawh tura ruahman a ni.
He training program-in a tum ber chu thalai lehkhathiam leh zirna chhunzawm thei lote tân environment lam kaihhnawihah eizawnna tlâk thiamna bîk nei tura chherchhuah a ni a, training chhuakte hi Green Certificate pêk an ni dâwn a, chu chuan an hna zawnna kawngah emaw mahni kea ding tura eizawnna din kawngah emaw a pui thei tura beisei a ni.
Training hi vawiinah bul tan nghal niin Pi P.C. Lalmuanpui, EE, MPCB-in zirtirna a pe nghal a ni.
GSDP hi Skill India Mission of Hon’ble Prime Minister leh Ministry of Environment, Forests & Climate Change (MoEF&CC) tangkawpin India ram State hrang hrangah a chhawpchhuak a, he programme hnuaiah hian lehkhathiam hna nei lo kum 18 chung lam tân Course hrang hrangah Training buatsaihin Mizoramah chuan Mizoram EIACP Hub-te'n training hi an kalpui dâwn a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Post Instagram:
Hnahthial Insta Facebook:
Hnahthial Post YouTube:
Hnahthial Post Twitter:
Tags
News