Minister Lalnghinglova Hmar in a bial chhung Sawrkar School-te hnenah Study Tour puihna sum hlan

Hnahthial Post | November 4, 2025, Aizawl: Pu Lalnghinglova Hmar, Minister of State leh Aizawl West II bialtu MLA chuan vawiin chawhnu khan MINECO a a office-ah a bial chhunga school parukte hnenah MLA Fund atangin study tour senso puihna a hlan.

Minister Pu Lalnghinglova Hmar hian kumin May thla khan a bial chhunga sawrkar school awmte a tlawh kual a. Hetah hian school lamten an mamawh hrang hrangte thlenin heng zingah hian school thenkhatin study tour leh excursion a chhuahna senso ah puihna an dil. Minister hian senso atana nu leh pate leh zirtirtute thawhkhawm ang zatin a dolet a ni.

MLA Fund atanga puihna dawng school te hi - Govt. Primary School - II, Dinthar; Govt. Middle School, Tuikual North; Govt. Primary School, Kanan; Govt. Middle School Tuikual South; Govt. High School, Dinthar leh Govt. Middle School, Dawrpui Vengthar te an ni a, vawiina a hlan zat hi Rs. 3,49,940/- a ni.

Bialtu MLA chuan, "Sawrkar sikul hi khawsak dinhmun harsa zawkte luhna a ni a, mi harsa zawkte tanpui kan duh avangin a theihdan kan ngaihtuah a ni. Kumthar a academic session tharah chuan kan bial chhunga sawrkar sikul, primary school chin hnuailam zirlai zawng zawngte school uniform pheikhawk a thlawnin kan pe vek ang." tiin a sawi.

Govt. Gairigaon Primary School, Dinthar-ah zirtirtu indaih lohna avangin teacher pakhat MLA Fund atangin rawih mek a ni a. March, 2026 thleng ruahmanna awmsa tawhin, senso tur hi Rs. 2,25,000/- a ni bawk a ni.

Vawiin inhlanna hunah hian zirna in hrang hrang aiawhte an tel tha hle a ni.