Hnahthial Post | November 8, 2025, Aizawl: MZP General Headquarters chuan ni 7 November, 2025 (Zirtawpni)-a Mizo hnam lam (Cheraw) mawi lo taka kaihlek viral ta chungchangah a bul tumtu ni a ngaih Mizoram-a cham mek RED BULL te chu PISAPUI-ah ko in thil awmzia leh thil nih dan te an zawtfiah.
.jpeg)
RED BULL aiawha rawn kal te hian Mizo hnam lam (Cheraw) mawi lo taka kaihlek a ni chu pawi an tih thu an sawi a, he thila a mawhphurtu ber chu Contract an ziahpui zing a mi Content Creator pakhat Yashwi Arora, Producer Red Bull India, a nih thu an sawi. Yashwi Arora hian tukin zing dar 7:00 bawr vel khan Mizoram chu Flight hmanga a lo chhuahsan tawh thu an sawi bawk.
MZP chuan Mizo hnam lam ti bawrhbang zawnga hma la tu Yashwi Arora hian Mizo mipuite hmaah ngaihdam a dil ngei an phut tlat a, ngaihdam a dil lo a nih chuan a tawp thlenga umzui an tum thu an sawi. RED BULL team te chuan MZP duh dan anga Mizo mipuite hmaa ngaihdam a dil ngei theihna turin Yashwi Arora hi an lo biak tur thu leh mawh an lo phurh tur thu an sawi bawk.
MZP chuan Mizo hnam ziarang (culture) tibawrhbang zawng leh ti-hmelhem zawnga chet lakna hi thleng nawn tawh lo se a duh a, hnam lam kan entir duh a nih pawhin uchuak tak ni lovin Mizo mipui ten’a kan hriat dan, hnam lam dan dika lam entir thin turin Mizo mipuite a chah bawk. Tuna Video darh mek pawh hi tidarh chhunzawm tawh lo tur leh delete hram turin Mizo mipuite a ngen nghal bawk.
