Hnahthial Post | November 10, 2025, Aizawl: Vawiin khan Serchhip DC Pu Paul L Khuma hoin ruihhlo ngaite pual camping buatsaih dan tur rel a ni a. Meeting hi Serchhip DC Meeting Hall ah neih niin, sawrkar office tin hotute, kohhran hrang hrang aiawhte, tlawmngai pawl hotute an tel a ni.
DC Pu Paul L Khuma chuan Nasha Mukt Bharat Abhiyan Drug Free India hnuaiah ruihhlo do dan tur ruahmanna thla ruk chhung atana action plan an buatsaih dan a sawi a. He action plan ah hian an ngaih pawimawh ber chu ruihhlo ngai ten an sim theihna tura Gospel Camping neih dan tur ruahmanna siam a nih thu a sawi a. Kohhran, tlawmngai pawl leh office tinah an ngaihdan te an zawhkual thu leh a tam berin camping neih ngei tha an tih thu an thlen avangin meeting hi koh a ni, a ti.
Kal khawm te hian ruihhlo ngaite puala camping neih ngei chu tha an ti a. A bawhzui turin Organising Committee din nghal a ni a. Chairman atan Additional DC Pu Lalrinzuala, Vice Chairman atan Joint VC Chairman Pu R Sanghmingthanga, Secretary atan Sub Headquarters YMA atangin Pu H Lalbiakhlua, Assistant Secretary atan Sub Headquarters YMA atangin Dr Laldinpuia, Treasurer atan DIPRO Pi Lalnunmawii, Finance Secretary atan DIET Principal Pi Jane C Vanlalmuanpuii te ruat an ni a. OB te hian member tur te an ruat dawn a ni.
Meeting chuan kohhran pawl hrang hrang te, tlawmngai pawl, mimal thahnemngai te bakah office tinah he camping pual hian vehbur khawn ni se, tiin rel a ni a. A hun tur atan January 2026 chu tin zawn niin a hun leh hmun tur hi Organising Committee kutah dah a ni.
DC Pu Paul L Khuma chuan office leh pawl hrang hrangten he camping puala an inhawnna te lawmawm a tih thu a sawi a. CMO leh District Medical Superintendent ten medical lamah tanpui an inhuam thu te, police department pawhin security mamawh a nih chuan an lo inruat tur thute, kohhran lam pawhin a tul apianga tha thawh an inhuam thu an thlen te chu lawmawm a ti a. He ruahmanna hi a hlawhtlin ngei theihnan tun atanga tawngtai turin kalkhawm te leh Serchhip District mipuite a sawm a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Post Instagram:
Hnahthial Insta Facebook:
Hnahthial Post YouTube:
Hnahthial Post Twitter:
Tags
News