.jpeg)
Hnahthial Post | November 10, 2025, New Delhi: Vawiin chawhma dar 11 khan Pu Lalnghinglova Hmar, Minister of State, Sports & Youth Services Department leh Pi Pallavi Jain Govil, Secretary (Youth Affairs), Government of India te chu Shashtri Bhawan, New Delhi-ah an inkawm a, Youth Affairs, GOI hnuaia Mizorama hmalak dan turte an sawidun.
Sports Minister Pu Lalnghinglova Hmar chuan Ministry of Youth Affairs & Sports kalpui Mera Yuva Bharat (NYKS ni thin) hnuaia Mizorama indaih lohna nasa tak a awm thu Secretary chu a hrilh a. Mizorama district 11 zinga pariatah MYB in district office a nei a, tun dinhmunah District Youth Officer (DYO) pali chauh an awm thu leh, Accountant leh Multi-Tasking Staff (MTS) phei chu pakhat ve ve chauh an awm tih a sawi.
.jpeg)
Union Youth Affairs Secretary chuan UPSC kaltlangin DYO 190 an la mek tih sawiin, DYO awm lohna district 420 ah an semrual tur thu leh, Mizoram pawh an pek tur thu Minister hi a lo hrilh. Accountant leh MTS te pawh agency kaltlanga an lak tur thu leh, tun atanga rei lote-ah Mizoramah pawh an post tur thu a sawi a ni.
Pu Lalnghinglova Hmar chuan Luangmual, Aizawl-a Youth Hostel chu a ram neitu nih inchuhna a awm mek a, hetihlaiin Mizoramah Sairang thleng rel a luh tawh avanga khualzin an pun bawk avangin Youth Hostel thar mamawhna a sang tih a sawi a, ram tur chu sawrkarin a neih theih tur thu a sawi bawk.
South Affairs Secretary chuan Mizoram sorkarin lehkha pawimawhte a thehluh hunah hma an lak thuai tur thu leh, Mizoram case chu ngaih pawimawha an neih tur thu Minister hnenah hian a lo hrilh a ni.
.jpeg)
.jpeg)
.jpeg)
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Post Instagram:
Hnahthial Insta Facebook:
Hnahthial Post YouTube:
Hnahthial Post Twitter:
Tags
News