Heroin no 4 hawng 22 man a ni

Hnahthial Post | November 12, 2025, Thingsai: Thingsai Police ten nizan khan Heroin No 4 hawng 22 leh a neitu an man.

Nizan dar 7:30 khan Thingsai to Hnahthial kawng Tuiphai lei bul Cherhlun ram lamah Thingsai Police Station OC SI Kam Thanga leh a Staff ten Suprise checking neiin Scooty MZ-02A 7211 Ramdinthara kum 30 S/o Lalṭhuama(L) Vengthar Cherhlun khalh atangin Heroin No 4 hawng (22) 276.06grams tualchhung hralhna a nuai riat singhnih sangriat za sawmriat (82,8180)an man a. Damdawi neitu leh lirthei khalhtu ni bawk Ramdinthara hi TSI-PS C/No.12/25 Dt.11.11.2025 U/S 21(c) ND&PS Act hmanga case siam sak niin vawin hian Hnahthial lamah thawn nghal a ni. Thingsai PS ah hian 2nd OC ACB lama an transfer hnu hian a aiawh dah ala nilova case ziahluh chungchang ah hian a buaithlak na chin a awm a,sorkar in a aiawh hi vat thei se an duh thu thawktu te chuan an sawi.