Chief Minister-in 24MW Tuirini Hydro Electricity Power thawhna sum tumtu tur Bank te kawm

Hnahthial Post | December 1, 2025, Hnahthial: Vawiin tlai khan Chief Minister Pu Lalduhoma chuan a office-ah New Development Bank, India hotute a kawm a. Tuirini HEP thawh thuai dan tur a sawipui. NDB hotute hi Pu F. Rodingliana, Minister, P&E leh P& E official pawimawhten an rawn tawiawm a ni.

Tuirini HEP hi Megawatt 24 pe chhuak thei tura duan a ni a, Rs. 676 Cr. senna tur niin, a thawhna tur hi sorkar laipui kaltlangin New Development Bank, Sanghai sum puk tur a ni.

Hna hi tan turin Empowred Committee din fel a, chumi zawhah Project Management Consultancy thlan tur a ni a. Chungte chu tunah hian chak taka kalpui mek a ni. Hengte hi a fel a, central sorkarin a lo pawmpui chuan tender tihchhuah theih a ni ang.

Preliminary Project Report (PPR) hi Department of Economic Affairs-ah September 2024 khan thehluh a ni tawh a, MNRE, External Affairs leh NITI Aayog atanga phalna lak ngaite chu lak fel tawh an ni.