Khawtlangah chhiat tawk an awm avangin Thingsai khuaah Christmas inkhawm a neih theih loh; Mi harsa zawkte tana luangchhuak kum dang aiin an tam

Hnahthial Post | December 26, 2025, Thingsai: Urlawk zanah leh vawiinah mitthi an awm avangin Thingsai khuaa kohhran hrang hrangte chuan Christmas niah inkhawm an nei thei lo va, zaikhawm leh ruai ṭheh buatsaih pawh a khaihlak phah. Urlawk zana kohhran hrang hrangin zaia khawchhung fangkuala Christmas Carol an buatsaih ṭhin pawh an ti thei lo.

Kumin hian Thingsai khuaa pawl leh mimal ṭhahnemngai tam tak chu mi harsa zawkte tán an luangchhuak hlawm a. Thingsai Police Station a thawktute chuan kum tìr aṭanga devotion an hmana thawhlawm an thawh tlingkhawm chu chhungkaw 8 hnenah an pe chhuak a, Thingsai khua aṭanga sipai ṭang intelkhawm Saitlang Ram Chhantu Pawl te pawhin chhungkaw 6 hnenah ₹2000 ṭheuh an hlan. Sipai ṭanglai 16 an awm a, training mek 2 awmin pension tawh ṭhahnem tâk an awm bawk.