Thingsai zirlai tiṭha chawimawina hun hman a ni

Hnahthial Post | December 29, 2025, Thingsai: Vawiin chawhnu dár 2:30 khan Thingsai VC house, Field Vengah zirlai tiṭha chawimawina hun hman a ni a.

He hun hi Pu K. Lalsiammawia, VCP in kaihhruaiin zirlaite chu Thingsai khua ngeia hnathawk thei tur hmuh loh ṭumte a awm ṭhin hi a pawi ka tihle mai tiin zirlaite ṭang sauh sauh tûrin a fuih. Zirna lamah Mizoram pum huapa lang pha (top ten) pawh kan nei ṭhin a, amaherawhchu an thiamna Thingsai khawtlâng tana hmang ṭangkai erawh sawi tham an awm ṭhin lo. Bank lamah emaw sawrkar hna pangngai lamah emaw pawh nise. Mi ziahsa by heart ringawt hi tunlai hunah chuan a tawk tawh lo va, chumi bâk chu kal a ngai a ni.

Pu F. Lalsawmzuala, VC Secretary in hun hman chhan sawizauna neiin Thingsai khua hian zirna kawngah tunhma pha lo deuh nia kan inhriat avangin zirlai tiṭha chawimawina hi siam nise tiin VC meeting chuan a rêl a. Chawimawina hlan tûrte chu HSLC 1st Division-a pass chin, HSSLC pawh ₹2000 leh citation, UG Top ten ₹5000 leh citation, PG Top 3 ₹5000 leh citation. Major Entrance Examination a inziak tlingte citation leh ₹5000, PSC hnuaia group 'A' Officer inziak tling state ₹50000 citation, upsc group 'A' Officer inziak tling tán ₹100000 leh citation. Vawin ah hian mi pariat(8) hnenah chawimawina hi an hlan a ni.