Lungleiah District Disposal Committee-in ruihhlo (heroin no. 4) ₹5,28,810/- man hu an hal ral

Hnahthial Post | December 9, 2025, Lunglei: Nimin tlai khan Lunglei AP Tlanga Incinerator Centre-ah Lunglei District Disposal Committee (DCC) chuan an Chairman, Lunglei District Superintendent of Police Pu J. Lalmuankima kaihhruaiin ruihhlo (heroin no. 4) gram 176.15 (₹5,28,810/- man hu) an hal ral.

Ruihhlo hal ralnaah hian DDC member-te – Lunglei Sub-Divisional Officer (Sadar), Lunglei Excise & Narcotics Assistant Commissioner leh Lunglei Sub-Divisional Police Officer te an tel a. Heroin no. 4 hal ral tak hi Lunglei PS Case No. 154/2025 Dt.27.09.2025 u/s 21(b) ND&PS Act, LLI PS C/No. 158/2025 Dt.02.10.2025 u/s 21(b)/29 ND&PS Act leh LLI PS C/No. 159/2025 Dt.02.10.2025 u/s 21(b) ND&PS Act hnuaia case ziah luh niin, Lunglei Judicial Magistrate First Class-I-in phalna a pek anga hal ral (pre-trial dispose) a ni.