Hnahthial Post | December 2, 2025, Aizawl: Nimin atanga tan tak Parliament Winter Session inbuatsaihna atan niminpiah khan Parliament Annexie Committee Room ah All Parliamentary Floor Leaders meeting neih a ni a.He meeting ah hian Mizoram MP pahnih ten thu an sawi.
Lok Sabha MP Pu Richard Vanlalhmangaiha chuan thu sawiin Sixth Schedule hnuaia awm Autonomous District Council chhunga MDC thlan tlin ten anmahni party kal sana party dang an zawm thin avangin Autonomous District Council sawrkar a ding nghet thei lo tih sawiin, North East State hrang hrang ADC chhunga MDC te khuahkhirhna dan Anti Defection Law siam tul a tih thu a sawi.
Rajya Sabha MP Pu K.Vanlalvena pawhin thu sawiin India ram state hrang hrang atangin Delhi ah Parliament Sessiona thu pawimawh rel ho turin kan kal khawm thin a.Chutih laiin rorel mumal awm lova nitin House Adjourned a ni reng thin chu ngaimawh awm a tih thu leh Parliament tizahawm lo tu a nih thu a sawi a.Kumin Monsoon session ah pawh nitin Chairman in House a adjourned thin thu leh ni khatah vawi thum aia tam te house adjourned a nih thin thu sawi chhuakin,tun tum Session ah chuan member tu pawhin eng thil pawh auchhuah pui se la,Chairman in house adjourned lovin session hi min kal tluan pui thei se tul a tih thu a sawi chhuak bawk a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Post Instagram:
Hnahthial Insta Facebook:
Hnahthial Post YouTube:
Hnahthial Post Twitter:
Tags
News