Chief Minister hovin SNA Sparsh chungchang sawiin meeting nei

Hnahthial Post | January 20, 2025, Aizawl: Vawiin khan Chief Minister Pu Lalduhoma, Finance Minister ni bawk hovin CM Conference Hall-ah SNA Sparsh chungchang sawihona meeting department thlanbikte nen an nei a. Pu Lalthansanga, EF & CC Minister, Prof Lalnilawma, RD Minister leh Pu TBC Lalvenchhunga, Adviser to CM bakah official pawimawhte an tel.

Sorkar laipui hnuaia hnathawh Single Nodal Agency System for Public Account Routing System for Harmonised transfers (SNA SPARSH) hmanga funding kal dan thar sawifiah a ni a. Sawrkar laipui lama schemes kalpui mek hrang hrang 66 zingah Mizorama kalpui theih (relevant) scheme 40 an awm a. Chung zinga scheme 34 teah SNA SPARSH hi fel taka chettir mek an ni.

Mizoram hi SNA SPARSH kaltlanga sum che vel zawng zawng atanga chhut ah North-East state zingah a che tha ber a ni a. India ramah a ti tha ber sawm zingah a awm mek bawk. Chutih rual chuan hmabak tlema zawng la awm hi, hun tiam chhunga tha taka kalpui a nih chuan hmalak that lawmman (incentives) SASCI atangin Rs. 350 Crore a hmuh theih a. Vawiina meeting hian he hnathawh that lawmman dawng thei tura hmalak dan tur a rel a ni.