PHED leh CYMA ten thawh dunna thuthlung ziak

Hnahthial Post | January 23, 2025, Aizawl: PHED leh Central YMA chuan kan rama tuihna humhalh leh a awmsa tih pun thupuiah neiin Kum 2012-2025 chhung thawh dunna hlawhtling tak hman a ni tawh a. Kum 2017-2025 chhung hian fai leh thianghlim inzirtirna chungchangah thawh dunna hlawhtling tak hman a ni tawh bawk. He thawh dunna hian thil tum pahnih (2) a nei a, chungte chu :-

Kan rama tuihna humhalh leh a awmsa tihpun.
Kan rama faina leh fai duhna thinlung nena changkanna lamtluang zawh.

He thawh dunna hian kan ramah tuihna humhalh leh a awmsa tih pun chungchangah te, fai leh thianghlimna kawngah te rah duhawm tak tak hmuh chhoh mek a ni a. Tin, hmabak tamtak a la awm avangin Kum hnih (2) dang thawh dun leh ṭha-in a hria a, Mizoram sawrkar-ah thlen a ni. Mizoram sawrkar-in Kum hnih (2) chhung atan PHED leh Central YMA thawh dun rem a tihsak leh ta a ni (Letter No. Comp. No. 19051 No. M-13/ 566/ 2025-PUB-ADMIN-PHED Dt.15.1.2026). Hemi bawhzui hian vawiin Ni 23, January, 2026 (Zirtawpni) chawhnu Dar-3:00 hian Er. Zodinthari, Engineer – in – Chief, PHED leh Pu R. Lalngheta, President, Central YMA te chuan thawh dunna thuthlung pawmin hming an ziah hnan ta a ni.