%202026%20hmanpui%20(1).jpg)
Hnahthial Post | February 6, 2026, Aizawl: Vawiin khan Mizoram State AIDS Control Society (MSACS) leh National AIDS Control Organization (NACO) tangkawp buatsaih North-East Multimedia Campaign (Red Fest) chu LPS Arena, Falkland-ah hman a ni a. He hun hi Pi Lalrinpuii, Minister, Health & Family Welfare Department chuan khuallin niin a hmanpui a, Pu Khilli Ram Meena, Chief Secretary chuan a kaihruai a ni.
%202026%20hmanpui%20(2).jpeg)
Minsiter Pi Lalrinpuii chuan thalaite tana HIV/AIDS laka inven dan inzirtirna program pawimawh tak buatsaih a ni chu lawmawm a tih thu sawiin, he Red Fest-in a tum HIV laka kan him leh him loh hriatchian nana in test a pawimawh zia a sawi a. Mizoram chu India rama HIV vei tamna ber state kan ni chu pawi a tih thu leh HIV do kawngah kan tan rual a pawimawh thu a sawi a. Vanduia thilthu-ah kan rin loh deuh deuhte zingah HIV hrik pai an awm thin avangin mahni dinhmun hriatchian (know your status) a pawimawh a, amah ngei pawhin HIV test a tih thu sawiin, kalkhawmte pawh test ti vek turin a chah bawk.
%202026%20hmanpui%20(5).jpeg)
Minister chuan Mizorama HIV veite zingah 60% chu mipat-hmeichhiatna avanga kai an nih thu sawiin, kalkhawm thalaite chu an nun uluk turin a chah a. HIV laka inven dan ABC approach sawifiahin kalkhawmte chu zawm ngei turin a chah bawk a, approach tha ber ‘A’ chu Abstinence, mipat-hmeichhiatna laka fihlim a ni a, ‘B’ chu Be faithful, kawppui pakhat laka rinawm a ni a, ‘C’ chu Condom hman a ni. Minister chuan he fest buatsaihtu NACO leh MSACS-te leh state dang atanga lo kal Project Director-te leh official-te thawhrimna leh inpekna chu fakawm a tih thu a sawi a ni.
%202026%20hmanpui%20(9).jpeg)
Chief Secretary Pu Khilli Ram Meena chuan kalkhawmte lawmna thu sawiin, North-East state-te HIV do kawnga thawhhona tha tak an nei chu lawmawm a tih thu a sawi a. Inenhran leh indiriam hlauh avanga HIV in test ngam lo te an awm thin thu sawiin, mipuiten HIV hrik paite hi endawng lo tur leh mi pangngai tho an ni tih hre reng turin a chah a ni.
%202026%20hmanpui%20(10).jpeg)
Pi K. Lalrinzuali, Commissioner & Secretary, H&FW chuan state dang Project Director-te leh NACO aiawha lo kalte hnenah memento a hlan a.
%202026%20hmanpui%20(11).jpeg)
Multi-Media Campaign (Red Fest) hi 2018 atanga buatsaih tan niin, Nagaland-ah neih hmasak ber a ni a, kumtin state hrang hrangah neih a ni thin a. Kumin hi Mizoram-in kan thlen kum a ni a. State tin atangin Project Director leh State AIDS Control Society Official-te bakah NACO atangin Additional Secretary & Director General leh High Official-ten hun an rawn hmanpui a. He programme hi MSACS youtube channel ah live-a pek chhuah a ni.
%202026%20hmanpui%20(12).jpeg)
North East Red Fest-in a tum ber chu thalaite hnenah HIV/AIDS chungchang zirtir niin, North East State pariat (8) Arunachal Pradesh, Assam, Meghalaya, Manipur, Mizoram, Nagaland, Sikkim leh Tripura atangin rimawi hmanga HIV/AIDS Awareness neih a ni a. State hrang hrang atangin stall buatsaih a ni a, heng stall-ahte hian state tin atanga State AIDS Control Society te’n HIV chungchang zirtirna hmanraw hrang hrang an pholang bawk a. He hunah hian thalaite hnenah HIV/AIDS darh zel tur laka invenna leh inzirtirna nasa taka kalpui a nih bakah North East State hrang hrang atanga zaithiam kalkhawm ten mipui an awi a. Heng bakah hian North East State hrang hrang hnam zia rang pho chhuah a ni.
%202026%20hmanpui%20(2).jpeg)
%202026%20hmanpui%20(3).jpeg)
%202026%20hmanpui%20(4).jpeg)
%202026%20hmanpui%20(5).jpeg)
%202026%20hmanpui%20(6).jpeg)
%202026%20hmanpui%20(7).jpeg)
%202026%20hmanpui%20(8).jpeg)
%202026%20hmanpui%20(9).jpeg)
%202026%20hmanpui%20(10).jpeg)
%202026%20hmanpui%20(11).jpeg)
%202026%20hmanpui%20(12).jpeg)
%202026%20hmanpui%20(13).jpeg)
%202026%20hmanpui%20(14).jpeg)
%202026%20hmanpui%20(15).jpeg)
%202026%20hmanpui%20(1).jpeg)
Tags
News