UD&PA Minister hovin Aizawl khawpui Corridor & Junction Improvement Project chunchang meeting neih a ni

Hnahthial Post | February 6, 2026, Aizawl: Vawiin khan I&PR Conference Hall, Lianchhiari Runah, Urban Development & Poverty Alliviation Department changtu Minister Pu K. Sapdanga hovin, Asian Development Bank bultuma kalpui tur Aizawl khawpui chhung (Kulikawnatanga Bawngkawn inkar) Corridor and Junction Improvement Project chungchang ngaihtuahin thutkhawmna neih a ni a. Pu Lalmalsawma Pachuau, Secretary, UD&PA chuan thutkhawmna hi a kaihruai a ni.

Thutkhawmnaah hian UD&PA Department changtu Minister Pu K. Sapdanga chuan, Project kalpui tura inbuatsaihna chu tha thawkhat hlea a hriat thu sawiin, Project-in a pal tlang tur huam chhunga bialtu MLA leh Local Council-te sawrkar nena thawhhona pawh a la pawimawh chho zel dawn tih a sawi a. Project hlawhtlinna chu ram pum tan a nih rualin a pal tlang hmunte tan chuan hlawkna a ni leh zual ngei tura a beisei thu a sawi bawk a ni.

Vawiina meeting hi Aizawl khawpui chhung (Kulikawn atanga Bawngkawn inkar) Corridor & Junction Improvement Project final proposal buatsaih tura inrawnkhawmna atan hman a ni a. Draft DPR hi presentation hmanga thlirho niin, bialtu MLA leh Local Council-te hnen atangin zawhna leh chhanna hun bakah rawtna awm angte sawihona hun hman a ni a. Heng sawihona leh rawtna awm angte hi a remchan ang zela final proposal-a telh leh tura ruahman a ni.

Meeting-ah hian PWD changtu Minister Pu Vanlalhlana leh Project-in a pal tlang tur huam chhunga bialtu MLA bakah bialtu Corporator te, Local Council member-te leh a kaihhnawih Department hrang hrang hotute ko kim takin an tel a ni.