Hnahthial District DCC, DLRC leh DLSC Special Meeting for the quarter ended December 2025 neih a ni

Hnahthial Post | February 17, 2026, Hnahthial: Vawiin chhun khan DC Meeting Hall, Hnahthialah District Bawrhsap, Pi K. Vanlalruati kaihhruaiin District Consultative Committee (DCC), District Level Review Committee (DLRC) leh District Level Security Committee (DLSC) Special Meeting for the quarter ended December 2025 neih a ni a. Pu R. Lalmalsawma, Lead District Manager, Lead Bank Office, Lunglei chuan September atanga December 2025 Quarter chhunga bank hrang hrang hmalakna thlirlet tur chhawpchhuakin tan lak ngaihnate sawi ho a ni.

DCC leh DLSC chungchang meeting-ah hian Security lamah harsatna a awm loh thu tarlan niin Social Security Schemes hrang hrangah quarter hmasa aiin hmasawnna hmuh vek a nih thu tarlan a ni a. Ba chhia kan tih mai, Non Performing Assests (NPA) chungchangah pawh hlauhthawnawm khawpa ba chhia nei branch an awm loh thu tarlan a ni bawk.

DLRC meeting in chhunzawm nghalin bank hrang hrang CD ratio tarlan a ni a. State Bank of India (SBI) CD ratio 53.56 niin Mizoram Rural Bank (MZRB) chu 69.19 a ni a, Mizoram Cooprative Apex Bank Ltd. (MCAB) chu 95.12 a nih thu tarlan a ni bawk.

Financial Literacy camp pawh tun quarter chhung khan SBI Hnahthial, MZRB Hnahthial, MZRB Pangzawl, MZRB S.Vanlaiphai ten vawi thum (3) theuh an nei thei a, MCAB Hnahthial ten vawi nga (5) an nei thei thung a ni.

Thutkhawmnaah hian Hnahthial District Thingsai khuaah Bank hawn tuma hmalak mek a nih thu tarlan a ni.

He hunah hian bank hotute, line department aiawhte bakah NGO hruaitute an tel a ni.