Hnahthial Thalai Pawlin Executive Engineer, PWD Hnahthial Division Transfer chungchangah Politics inrawlh niin hria

Hnahthial Post | February 5, 2026, Hnahthial: Hnahthiala thalai intel khawm, Hnahthial Thalai Pawl chuan tun hnaia PWD Hnahthial Division-a Executive Engineer Pu David Laltanpuia Hnahthial atanga sawn chhuah (Trasnfer) chungchangah Politics inrawlh niin hria.

Hnahthial Thalai Pawl-in an thuchhuaha an tarlan danin, Pu David Laltanpuia JAG, EE, Hnahthial Division chu ni 23 January, 2026 khan PWD Hnahthial Division atangin NH Divisio-III-ah sawn a nih thu leh, an sawnna thara a kal hma, ni 26 January, 2026-ah Kawrthah Division-ah sawn leh a nih chu mak an tih thu an thuchhuahah hian tarlangin. PWD Hnahthial Division tana thawk tha leh thahnem ngai tak Officer a awmna tura sorkarin an ruat a kal hmaa, Transfer Order dang chhuak leh chu chhui chiangin; tunhnaia Patch Repair and Seal Coat of Hnahthial to Thingsai leh Resurfacing of F Zachhuma house to CL Biaka house at S Vanlaiphai hna chhuak, PWD EE Hnahthial-in dan anga Open Tender a chhuahah an chui lut a. He hnaah hi a chhang hniam ber Pu HC Thanchungnunga niin, a ni hi pek a ni a. Chutih laiin Contract Pu Zoremtluanga hming hawh Pu K Vanlallawma Durtlang, Aizawl-in chhang vein, a tender chhanah hian document thil hmaih leh kim tawk lo a awm avanga chang loin, a lungawi loin Politics a thil ti theite hnenah a zualkoin Pu David Laltanpuia JAG, EE, Hnahthial Division chu atana zahthlak khawp hialin Transfer kual a ni, tiin an tarlang a ni.

Hnahthial Thalai Pawl chuan Politics a thil ti thei ten an mahni tanghma hai tumna avanga kan Officer viak tha, Hnahthial Division tana thahnem ngai em em, hekna avanga Transfer ni ngei a ngaih theih tura a awm hi dik kan ti lo a, Hnahthial tan a zahthlak hle a ni. Contract hna inpek thuah leh thuneihna hman sual chungchang hi ZPM Ministry pawhin a duh loh leh tha a tih loh ngei kha niin kan hria a, Hnahthial Thalai Pawl pawhin kan dodal tlat a ni. Hetiang chuan Officer tha ten thil tha leh dik an ti ngam dawn lova, tuhnuah hetianga in Transfer-na hi tu chungah mah thleng tawh lo se tih hi kan duh dan a ni, tiin an thuchhuah hian an tarlang bawk.

Hnahthial District chhuahsan rih lo turin Hnahthial Thalai Pawi chuan Pu David Laltanpui hi an duh a, sorkar lam hotute'n Hnahthial Division-a dah sak leh hram turin an ngen tak meuh meuh a ni. Pu David Laltanpuia JAG, EE Hnahthial Division hi, Hnahthial ah dah let leh a nih hma chu, an thiam ang angin hmalak an tum thu an thu chhuahah hian a tarlang a ni.