Mizoram University UG (Old Semester) Examination hnuhnung ber result chhuakah HATIM ti tha hle

Hnahthial Post | February 7, 2026: January 20, 2026-a MZU UG Exam result chhuakah Arts Stream bikah HATIM hi Mizoram college hrang hrang 25 zingah a ti tha ber a ni. BA ah hian HATIM pass percentage hi 92.70% a ni a, pahnihna Pachhunga University College (92.53%) leh pathumna Mizoram Christian College (89.53%) ten an dawt a ni.

Commerce Stream ah HATIM hian pass percentage 93.26% neiin Mizorama Commerce zirna college hrang hrang zingah ti tha ber pahnihna a ni.

Bachelor of Social Work (BSW) ah pass percentage 88.78% niin, Mizoramah HATIM a ti tha ber a. Bachelor of Computer Applications (BCA) subject ah pass percentage 71.05% niin, Mizoramah college tha pathumna a ni bawk.

Source: BCM Khawnvar (https://www.facebook.com/share/1CJ2rVbkBY/)