Hnahthial Post | February 5, 2026, Aizawl: Vawiin khan Pu Lalnghinglova Hmar, Hon'ble Minister Sports & Youth Services Dept chuan Mamit Multipurpose Indoor Stadium leh Girls Hostel Mamit leh Damparengpui, Mamit chu Khual lian niin a hawng.
.jpeg)
Khual lian chuan Mamit mipuite mamawh leh hlut tur hawnna hun a hmang thei chu lawmawm tiin Mamit Bialtu MLA in theihtawpa hma a lo lak tawhna chu fakawm a tih thu a sawi a. Minister chuan vawiin lo kalte hnenah multipurpose stadium a nih angin inlungrual leh inrem taka hmantlan a pawimawh a ni a ti a, District Sports Committee hnenah chuan duhsak bik nei lo a thiam taka thu rel turin a chah a, he stadium hi a hmanna tur taka hman tlan a, Mizoram mai ni lo national level a khel thei mi thiam chherchhuahna atan hmang ngei turin a chah.
.jpeg)
Sports Minister chuan India ramin kum 2036-ah Olympics thlen tumin hma a la mek a, Mizo te kan lan ve theihnan nasa takin hmasawn kan la mamawh thu a sawi a, infrastructure tha tak tak ngah lam ni loin Human Resource development-ah tan kan ngaih thu a sawi. Sawrkarin national level leh international level thlenga Mizo ten medal kan lak theih nan nasa takin hma a la a, Sawrkar flagship program Bana Kaih hnuaiah- Empowering Mizoram Sports chu kalpui niin naupang talent nei tha te zawn chhuah tum a ni a, trainer te pek tum niin sports discipline hrang hrang - wrestling, weightlifting,volleyball, taekwondo, hockey, archery,badminton leh a dangteah hmasawn tum a ni a, District Sports committee hnenah hrechiang duh tan zawh theih reng a nih thu a sawi.
.jpeg)
Pu Lalnghinglova Hmar chuan Sawrkarin Mamit hmasawn zelna atan hmalak zel thu sawiin NH-44 A kawng te a thatchhoh zel theihnan work order te peih fel a nih tawh thu a sawi a, Sawrkar Laipui lam hotute pawh concerned Minister nen an inbiak thu a sawi.
.jpeg)
Vawiin hian Er H. Lalzirliana, Mamit Bialtu MLA chu Khual zahawm niin he multipurpose indoor stadium din theihna atana hmalatu te hnenah lawmthu a sawi a, mi thiam tak tak state leh national level a chhuak thei tur Mamit thalai chherchhuah a nih theih ngei a beisei thu a sawi bawk.
Vawiin hun hi Pu Henry C.Lalrawnkima, Secretary, Mizoram State Sports Coucil chuan a kaihruai a, Pu K Laltlawmlova, District Bawrhsap leh Chairman District Sports Committee chuan a telpui.
.jpeg)
Pu James Lalramnghaka, Asst Engineer, MSSC-in Mamit Multipurpose Indoor Stadium sakna atana senso technical report a pek angin, SEDP leh SASCI atangin Rs. 1250 lakh seng a sak a ni a. Ni 12 April, 2021 a sak tan niin Ni 10th June, 2025 khan sak zawh a ni. A building len zawng hi a dung 50.00m, a vang 30.00m a zau niin mizopa chhiara chhawng thum(3) a sak a ni a, Basement Floor, Ground Floor, First Floor leh Gallery Level te a awm a ni. A sak hna hi M/S Mizoram Development Agency, Mission veng Aizawl te'n an thawk bawk a ni.
Minister chuan a department chan Excise and Narcotics Office, Mamit chu tlawhin an harsatna lêh hmalak ngaihna a sawipui.
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
Tags
News