Lok Sabha MP-in Union Minister of State for Environment, Forest & Climate Change kawm

Hnahthial Post | February 5, 2026, Delhi: Vawiin khan Pu Richard Vanlalhmangaiha, Member of Parliament, Lok Sabha chuan Pu Kirti Vardhan Singh, Union Minister of State for Environment, Forest & Climate Change chu Parliament-a a office-ah lengin a kawm.

Lok Sabha MP Pu Richard Vanlalhmangaiha chuan Union MoS hnenah hian NIT, Mizoram-in Forest Clearance an hmuh theih loh avanga hna thawh theih a nih loh thu a thlen a. Mizoram Sawrkarin tih tur tul zawng zawng a tihfel tawh thu hrilhin, Central Ministry lamin a rang lama tihfelsak turin Minister hi a ngen a. NIT chu Mizoram tana Institution pawimawh tak a ni a, thangthar lo la awm zel turte tan zirna in chhenfakawm tak a nih tur thute a sawi bawk a ni.

Union MoS Pu Kirti Vardhan Singh pawhin a rang lama tihfelsak vat turin hma a lo laksak tur thu a lo hrilh ve bawk a ni.