Hnahthial Post | February 5, 2026, Hnahthial: Vawiin khan Hnahthial DC Meeting Hall-ah Bawrhsap, Pi K. Vanlalruati kaihhruaiin District Level Committee on Fire Prevention thutkhawmna neih a ni a. Pi Lawmnapari, DFO, Lunglei Forest Division chuan State Level Sub-Committee on Fire Prevention thurel te chhawpchhuakin kum hmasa lama kangmei venna kawnga hma an lak tawh dah te a tarlang a. Kumin Fire Prevention Week hawnna chu February ni 9 hian, DC Conference Hall-ah neih tum niin lo/huan hal hi March ni 15 hmain zawh fel tur a ni ang.
.jpeg)
Thutkhawmnaah hian kum hmasa lam hmalak tawhna thlir let niin Fire Prevention Week chu khuallian, Bawrhsap chuan a hawng ang a. Kangmei chhuak tur veng tha Village Council-te chu thlan chhuah leh tur niin a thlangtu tur committee ruat nghal an ni a. Kuminah chuan State level thurel angin kangmei laka venna kawnga titha Village Council, pakhatna atanga pathumna bakah consolation price dawng tur VC pahnih thlan tur an ni dawn a. District tina lawmman pakhatna la te atangin Mizoram State puma titha zual, VC pathum thlan chhuah an ni bawk ang.
.jpeg)
Fire Prevention Week pual hian Reels making competition buatsaih tur niin February thla ral hma a thehluh tur a ni dawn a, lawmman dawngtute chu Chapchar Kut-ah lawmmna hi hlan an ni ang.
Kumin Fire Prevention Week Theme chu - 'Nungchate chenna leh tui thianghlim min petu ramngaw Kangmei lakah venghim rawh.' tih a ni.
Thutkhawmnaah hian Pu Zothanmawia Khiangte, Addl DC; Pu Lalsangzuala, RO, EF&CC; Pi Julie Zodinpuii, DAO; Pi Mary Lallawmkimi, Vice Principal, SAS; Pu FC Zongnghinga, SDPO; Pu R. Vanlalruata, SDC; Pu Lawrence Lalhlanthara, SDC; Pu F.Lalrinfela, DIPRO, PHE leh P&E dept aiawh bakah MJA President te a tel a ni.
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
Tags
News