Hnahthial Post | February 3, 2026, Hnahthial: Vawiin khan DC Meeting Hall-ah Bawrhsap, Pi K. Vanlalruati kaihhruaiin Sawrkar pisa hotute, khawtlang leh tlawmngai pawl hruaitute chu Chapchar Kut, 2026 hman dan tur relin an thukhawm a. Kumin Chapchar Kut chu Pasaltha Mual, Denlung khuaah neih ni se ti a rel a ni.
Thutkhawmnaah hian Chapchar Kut leh a kaihnawih tul dang sawi ho niin Organising Committee leh Sub-Committe hrang hrang din nghal a ni a. Kut Pa atan South Tuipui A/C Bialtu MLA, Pu Jeje Lalpekhlua chu beisei niin Bawrhsap chu Kut thlengtu a ni ang a. Kut Nula, Kut Tlangval leh Kut Naupangte thlan tura ruahmanna siam a ni.
Chapchar Kut lawmna, Denlung khua, Pasaltha Mual a neih tur hi zing dar 11 a tan tur niin a kal turte chu an neih ang ang, Mizo thuam inbel theuh tura beisei an ni a. District chhung mai bakah District pawn lama mi Zaithiam sawm ni se ti a rel niin Kut ni a programme neih dan tur kimchang chu Organising committee kutah hlan a ni.
Tags
News