Hnahthial Post | March 19, 2026, Hnahthial: Chief Minister Special Package Phase-II hnuaia beneficiaries-te tanpuina sum pek chhuahna hun chu vawiin Chawhma dar 11:00 khan DC Meeting Hall No-I, ah neih niin Hnahthial Bawrhsap, Pi K. Vanlalruati chuan programme hi a kaihruai a. Progress Partner thlanchhuah tharte chu hmasawn tumna tak tak nei tur leh an tanpuina dawn te chu a hmanna tur diktak a hmang turin a chah.
Pu Zothanmawia Khiangte, Addl. Deputy Commissioner, Hnahthial-in District chhunga Bana Kaih Phase I hnuaia hmalak dan report pe in, Agriculture & Farmers' Welfare Department ah 1, Department of Animal Husbandry and Veterinary ah 7, Commerce and Industries ah 4 leh Department of Horticulture hnuaiah 5, an vaiin mi 17 hnenah loan hi Sanction an nih tawh thu a tarlang a. Loan te hi SBI, MRB leh MCAB atang te a Sanction an nih thu a tarlang bawk.
Pu George Lalnunluanga, District Fisheries Development Officer leh Dr. C. Sanghluna, District Animal Husbandry & Veterinary Officer te’n progress partner thlanchhuah te hnenah an trade a zira an hriattur tul te hrilhfiahna hun an nei a. Anmahni pui thei tur, Guide Pamphlet pawh an sem nghal bawk a ni.
Chief Minister Special Package Bana Kaih Phase-II hnuaia Progress Partner thlanchhuah te chu:
1. Thangtinhluna – Pangzawl – Fisheries (Sangha khawl leh a kaihhnawihte)
2. K. Lalchungnunga – Hnahthial Venglai – Poultry Farming (Broiler, Layer, Rainbow Rooster, Indigenous)
3. Zothansangi – Pangzawl Khawngbawk Veng – Poultry Farming (Broiler, Layer, Rainbow Rooster, Indigenous)
4. Lalnunpuii – Pangzawl Khawngbawk Veng – Poultry Farming (Broiler, Layer, Rainbow Rooster, Indigenous)
Progress Partner thlachhuah te hi an trade thlan theuhte hmanga an din chhuah theih nan Rs. 50,000/- theuh hlan an ni.
He programme-ah hian Bana Kaih Phase-I a ti tha te video tawi thlir ho na leh zawhna leh chhanna hun te neih a ni bawk.
Pu Zothanmawia Khiangte, Addl. Deputy Commissioner, Hnahthial chuan lawmthusawina neiin he programme hi a khar a ni.
Tags
News