MZP Hnahthial hruaitu inthlan turah hming pe awm chhunte chuhtu awm lova puan ni dawn

Hnahthial Post | March 20, 2026, Hnahthial: Mizo Zirlai Pawl Headquarters: Hnahthial chuan 2026 - 2028 chhunga hruaitu tur thlanna an neih tur chu vawiin hi hming pek luh ni hnuhnung ber a ni, hming pe lutte Line-Up khat chauh an ni.

MZP Hnahthial Election Commission aṭanga thu kan dawn danin, nomination hi ni 16 atanga ni 20 March, 2026 chhunga file theih a ni a. Nomination file-te en dikna hi nimin ni 19 March, 2026 nilai thawhtan khan neih a ni a. Hetah hian hming pe lut zingah lehkha fel lo emaw inthlan hma chhawn thei lo tura an awm leh awm loh endik niin, hming pe lut te hian paltlang vekin Line-Up khat chauhin hming hi an pe lut a ni.

Naktuk ni 21 March, 2026 dar 1:45 hian MZP Hqrs Hnahthial Pisa, Bazar Veng Hnahthialah Election Commission chuan hming pe lut, chuhpui tu awm lo te hi tlinga puanna an nei ang. Tlinga puan a nih aṭanga ni 20 chhungin hruaitu tharte hian charge an lak fel rin a ni bawk.