Hnahthial Post | March 21, 2026, Hnahthial: Vawiin khan Mizo Zirlai Pawl Headquarters Hnahthial chuan kum 2026-2028 chhung atana an hruaitu thlanna hun an nei.
MZP Headquarters Hnahthial hruautu thar thlanna hi MZP Hqrs Hnahthial Election Commission chuan kaihruai in, Hruaitu thar thlanna leh puanna hi Election Commission Chairman Pu C Zonunmawian a kaihruai a, Secretary Tv C Malsawmkiman report a pe bawk.
MZP Headquarters Hnahthial hnuaiah hian Sub Headquarters 1, MZP Sub Headquarters Cherhlun awm in, Branch 14 an awm mek a ni.
Kum 2026 aṭanga 2028 thlenga MZP Headquarters Hnahthial hruaitu thlan thar te chu-
President: Jimmy Lalrosanga, Electric Veng, Hnahthial
Vice President: C Vanlalruata, Lungleng Veng, Hnahthial
Secretary: C Rodingliana, Peniel Veng Hnahthial
Joint Secretary : F Lalhlimpuia, Electric Veng Hnahthial
Treasurer: Vanlalpekhlua Bazar Veng, Hnahthial
Fin. Secretary: Zothansanga Chanmari Veng, Hnahthial
Hruaitu thar puanna neih a nih hnu hian MZP Headquarters Hnahthial President thar Pu Jimmy Lalrosanga chuan thu sawi in, MZP Headquarters Hnahthial hmalakna tur kawng hrang hrang a sawi a chung zinga langsar zualte chu-
1. 9th Mizoram state Assembly neih zawh takah zirtirtu aikal 3 a awm thu minister hnen atangin ngaihthlak a ni a, hei aia tam hi kan district ah a awm thu report ngaihthlak niin kan en zui nghal ang.
2. Sawrkar hnathawk mahni post a awm lo ruihhlo vanga Hnahthial a awm lo hriatchhuah niin hma lak tum ani.
3. Hnahthial khawpui bikah hnamdang vai mistiri leh hnathawk an tam hle a, hma lak tum a ni.
4. Vai hming hawh a sum dawng an awm thu leh rang taka bawhzui tura ngenna lehkha kan hmuh angin MZP chuan a chhui nghal dawn a, a tul angin hma a la dawn a ni.
5. Zirtirtu indaihlohna lehkha kal te session tharah hma lak anih loh chuan mzp in kan thiam dan in hma kan la ang.
6. Civil Service aspirant sponsored kal pui leh ani ang.
Heng bakah hian Hnam inpumkhatna leh humhalhna kawng hrang hrang sawi in,MZP chuan hemi kawngah hian theihtawpa hmalak zel a tum dawn a ni a ti bawk.
President thar thusawi zawhah hian certificate hlanna hun hman a ni a, programme tih tawp a ni.